::(( طبـــــع بيـــــــنا ))::

يلعيونك سمه وطول الحواجب ليل
ضمني بسمه عيونك اسهرواغفه
ويا ضي الوجه يلماطفيت بيوم
صدكني الكمر من يشتعل يطفه
ويا قوس القزح كل ساعه اشوفك لون
ويمر مرات لونك بيه ما عرفه
تحل ليل الشعر حد مايلوح الكاع
وتعض الزلوف بدورة الشفه
طبع بينه الجرح ندعيله حتى يطيب
الك بيه جرح ادعيله مايشفه
وتسالني شعجب ماوصفيتك يوم
وانه الحايربظلك لسه مموصفه
يبو صوت اليغرد ياسحر فيروز
لك اجمل لحن بشفافك تعزفه
تمر مثل النهر والخطوه روجة ماي
واظل لنه اعله جرفك حاصد الوسفه
ويالخصرك مدور كمر عالي بعيد
مد ايده الكلب مالاحك بجفه
ويكولون التمر ينضرب بيه امثال
اشو جبت التبرزل صارلك حشفه
من عينك نده ينزل وشوفه يطيح
يلتم بورود جفوفك الترفه
تلتف اعله طولك كل نجوم الليل
ويجي ينام الكمر متوسدك صفه
واظم سرك عليه وما ابوحن بيه
واذا دمعك بعينك عيني لتذرفه
كل اصبع بجفك يضوي شمعه بليل
وكل خصلة شعر من كذلتك عفه
يا جمار عالي وما ظن تنلاح
لان عثكك هدل ماشالته السعفه
اذا بميزان انتة وكل حواري العين
ماظنن لغيرك تنزل الكفه
احلى من العسل بالشفه من تنظاك
ومرح مثل النسيم ودمك شخفه
حدر زيجك نهر مضموم ما ينشاف
لان الله طبكها الضفه علضفه
يا اول نده ينكط شعر للروح
ويلمشذر محبه وضحكتك زفه
شمس الله واكبر نزلت اعله الكاع
اجت يمك حبيبي تريد تدفه..


الشاعر حازم جابر

سراب الغالية

لمرورك رونق لا أستغني عنه

قد زاد صفحتي بهاءً وسحرا ً

شكرا ً لحضورك الراقي

لك ِ كل الود